Kubwayo Mc croix
Mu gihe isoko ryo kugura abakinnyi rigiye gusozwa, umutoza Erik ten Hag aracyateganya kongera imbaraga mu ikipe ya Manchester United. Mu mezi ashize, United yashoye amafaranga menshi mu kugura abakinnyi bashya barimo Leny Yoro, myugariro w’imyaka 18 wavuye muri Lille ku kayabo ka miliyoni 59 z’ama-Euro. Nubwo hashize igihe kigera ku mezi abiri, haracyari icyuho mu rwego rwo gutuma iyi kipe ihatana mu buryo bunoze mu mwaka utaha w’imikino.
Uretse Yoro, hari ibiganiro bigeze kure byo kugura abakinnyi bashya kugira ngo bahangane n’ihangana ry’umwaka mushya wa shampiyona ya Premier League. Erik ten Hag yavuze ko akeneye kongera ubushobozi bw’ikipe ye kugira ngo bazabashe kwitwara neza mu marushanwa atandukanye ateganyijwe. Ibi byerekana ko umutoza yiteguye gukora ibishoboka byose kugira ngo ikipe igere ku ntego zayo.
Harry Maguire, myugariro w’iyi kipe akaba na kapiteni, yatanze ikizere ko azakomeza kuguma muri Manchester United. Nyuma y’ibiganiro byimbitse n’ubuyobozi bw’ikipe, Maguire yatangaje ko yishimiye kuba ari mu migambi y’ikipe y’igihe kizaza kandi ko yiteguye gukomeza gufasha ikipe kugera ku ntsinzi nyinshi. Ibi byakemuye impungenge zari zihari ko ashobora kugurishwa muri iyi mpeshyi.
Ku rundi ruhande, umukinnyi Mason Greenwood yamaze kugenda, agiye muri Marseille mu masezerano ahoraho. Greenwood yari amaze igihe kinini atagaragara mu mikino ya United kubera ibibazo by’imyitwarire, bikaba byarashoboraga gutuma atongera gukinira iyi kipe. Iyi mpinduka izaha amahirwe abandi bakinnyi bari bafite ubushobozi bwo kugaragaza impano zabo.
Ikindi giteye inkeke, Marcus Rashford yahawe ibihano byo guhagarikwa igihe cy’amezi atandatu kubera umuvuduko ukabije mu modoka ye ya Rolls-Royce. Ibi bikaba bigaragaza ko hari imyitwarire y’abakinnyi igomba gucungwa neza kugira ngo itazahungabanya ikipe mu bihe by’imikino iri imbere.
Mu gihe hasigaye igihe gito ngo shampiyona itangire, umutoza Eric ten Hag arifuza cyane kongera abakinnyi bashya mu ikipe ye ngo abashe guhangana n’ihangana ryo muri shampiyona ya Premier League y’umwaka wa 2024/2025. Ni byinshi bigomba gukorwa kugira ngo iyi kipe ikomeze kuba mu makipe akomeye kandi yitwara neza mu marushanwa atandukanye kuko umwaka washije utayigendekeye neza .
