Tems yashimiwe n’ingeri zitandukanye nyuma yo guhigura umuhigo muri Amerika

Umuhanzikazi Tems yashimiwe bikomeye n’ingeri zitandukanye nyuma yo kuba umuhanzikazi wa mbere ukorera umuziki we muri Nigeria wegukanye igihembo cya Grammy.

Ibi byabaye ku wa 06 Gashyantare 2023 aho  hamenyekanye abahanzi n’abandi bari mu ruganda rw’imyidagaduro begukanye ibihembo bya Grammy mu birori byabereye i Los Angeles muri Crypto,com Arena.

Ku nshuro ye ya mbere, Tems yegukanye igihembo cya Grammy kubera uruhare yagize mu ndirimbo ‘Wait for U’.

Iyi ndirimbo yahuriyemo n’abaraperi babiri Future na Drake yegukanye igihembo cya ‘Best Melodic Rap Performance’.

Iwabo muri Nigeria ibyishimo ni byose nyuma yo kubona ko uyu muhanzikazi yegukanye igihembo muri Grammy, aho ibikomerezwa muri Nigeria batangiye kumwifuriza intsinzi nziza.

Bamwe ni abahanzi bagenzi ba, abaporodiyusa, abavanga umuziki ndetse n’abandi bagiye batandukanye bishimiye intsinzi ya Tems.