Adil Mohamed yavuze umubare w’ibitego bagomba gutsinda US Monastir

Umutoza mukuru wa APR FC Adil Mohamed yatangaje ko agomba gukoresha uburyo gakondo bwa APR FC ikoresha kugirango akuremo US Monastir.

Mu kiganiro Adil Mohamed yahaye abanyamakuru bajyanye na APR FC muri Tunisia yatangaje byinshi agomba kwitaho kugirango ikipe ye ibashe gukomeza kandi itsinze US Monastir.

Yagize Ati ” Monastir yiteguye gukomeza, kandi nibyo barimo gushaka. Yego gukomeze nicyo cyingenze, gusa twe icyadufasha nuko twatsinda igitego 1-0 kandi tugakomeza gukomera mu mutwe, tugakomeza kuba mu mukino inambwe ku nambwe tuzabigeraho. Tekenike nzakoresha ni gakondo yacu APR buri munsi ikina umupira isatira. Ariko tugomba kuzuzanya mu nzego zose uburyo tugomba gusatira biturutse muri ba myugariro ndetse n’uburyo tugomba kugarira duturutse muri ba rutahizamu.”

Uyu mutoza yakomeje avugako afite icyizere kandi hamwe n’imana byose birashoboka cyane.

“Twifitiye icyizere, nibwo bwa mbere twari dutsindiye umwarabu I Kigali. Tugomba gukomeza icyo tugatsindira umwarabu kubutaka bwe hano muri Tunisia nubwo bitoroshye. Turimo kuganiriza abakinnyi, APR FC ifite ubushobozi bwo kubikora kandi ni bakuru bafite ubunararibonye hamwe n’imana kuri iki cyumweru birashoboka.”