Taylor Swift na Travis Kelce Bahakanye Ibihuha by’itandukana Babonetse basohokanye i Philadelphi

Nyuma y’amezi menshi batagaragara hamwe, aba bombi bagaragaye bishimye, bahamya ko urukundo rwabo rukomeye nubwo hari ibibazo bya mategeko bihangayikishije Taylor Swift

Nyuma y’igihe kitari gito havugwa ibihuha bivuga ko bashobora kuba baratandukanye, icyamamare mu muziki w’abanyamerika, Taylor Swift, hamwe n’umukunzi we Travis Kelce, byongeye kuboneka bari kumwe, bituma abafana babo bahumuka nyuma y’amezi atari make barabuze aho babariza urukundo rw’aba bombi.

Ku cyumweru gishize, aba bombi bagaragaye basohokanye mu mujyi wa Philadelphia aho hari abantu babafotoye bari mu kabari, Taylor Swift agaragara yishimye cyane mu gihe Travis Kelce yamukurikiraga inyuma afite isura ituje kandi itamwenyura cyane.

Aya mafoto yasakajwe ku mbuga nkoranyambaga yatumye abafana babo barushaho kugira icyizere ko urukundo rw’aba bombi ruracyari mu murongo mwiza, bituma ibihuha byari bimaze iminsi bihwihwiswa ko bashobora kuba baratandukanye byongera gucogora.

Ibi byatumye ibihuha byo gutandukana bigaruka mu mateka

Nyuma y’uko mu kwezi kwa Werurwe basohokanye bafata amafunguro muri New York City, Taylor Swift na Travis Kelce bari bamaze igihe kinini batagaragara hamwe mu ruhame, ibintu byatangiye gutuma abafana babo bibaza byinshi ndetse bamwe bakavuga ko bashobora kuba baratandukanye.

Ibi byatumye amagambo menshi yibasira aba bombi ku mbuga nkoranyambaga, aho abantu batangaga ibitekerezo bitandukanye bagaragaza impungenge ku rukundo rwabo, bitewe n’uko batitabiriye n’ibirori bikomeye nka Met Gala byabaye mu cyumweru gishize.

Amakuru yegereye aba bombi avuga ko impamvu nyamukuru yatumye batitabira Met Gala atari uko bafite ibibazo mu rukundo, ahubwo byatewe n’uko buri umwe yari ahuze n’imishinga ye bwite ku buryo batabonye umwanya wo kwitabira iki gitaramo cy’uburanga n’imideli kizwi ku rwego mpuzamahanga.

Taylor Swift ahanganye n’ibibazo by’amategeko

Muri iyi minsi Taylor Swift si ubuzima bw’urukundo gusa afite mu mutwe, kuko anafite ibibazo by’amategeko bijyanye n’urubanza ruri hagati ya Justin Baldoni na Blake Lively. Ibi bibazo byatangiye nyuma y’uko Justin Baldoni ashinje Taylor Swift kujya mu nama yagombaga kuba hagati ye na Blake Lively, aho kandi habayeho no gushyira hanze ubutumwa bw’ubutumwa bwagiye ahagaragara aho Blake Lively yagereranyaga Taylor Swift nk’”ikinyamaswa (dragon)”, mu gihe we yivugaga ko ari “nyina w’ibinyamaswa (mother of dragons).”

Nubwo aya makuru atari yaremezwa n’inkiko, umuvugizi wa Taylor Swift yahise asohora itangazo ryamagana aya makuru, avuga ko Taylor atigeze na rimwe aninjira aho iyi filime yakinirwaga, ndetse ko nta ruhare na ruto yagize mu gufata ibyemezo bijyanye no gutoranya abakinnyi, cyangwa kugena ibijyanye n’ubuhanzi n’imiririmbire ijyanye n’iyi filime.

Yagize ati: “Taylor Swift ntiyigeze aninjira aho bakiniraga iyi filime, ntiyigeze yitabira inama cyangwa ngo agire icyo avuga ku bakinnyi, ntiyigeze anahindura igice na kimwe, ndetse ntiyigeze anayireba kugeza hashize ibyumweru bike isohotse ku mugaragaro kuko muri 2023 na 2024 Taylor Swift yari mu rugendo rw’ibihe byose rwari rwamuhuje no gucurangira isi yose.”

Travis Kelce akomeje guhagarara inyuma y’umukunzi we

Nubwo ibibazo by’amategeko bishobora kuzatera Taylor Swift umutwe mu minsi iri imbere, biragaragara ko umukunzi we Travis Kelce akomeje kumuba hafi, nk’uko byagaragaye ubwo bagaragaraga basohokanye i Philadelphia.

Ni kenshi aba bombi bagiye bagaragaza ko bafite urukundo ruhamye, ndetse mu bihe bitandukanye bagiye basohokana mu ruhame bagakomeza kwerekana ko bafite ubushuti bukomeye, n’ubwo hari ubwo imirimo y’umuziki ku ruhande rwa Taylor Swift, hamwe n’imikino ku ruhande rwa Travis Kelce byagiye bituma badahura kenshi.

Abasesenguzi bavuga ko igaragara ryabo i Philadelphia rifite igisobanuro gikomeye mu guhosha amagambo y’ibihuha yari amaze igihe ku mbuga nkoranyambaga, aho bamwe bari batangiye no gukwirakwiza amakuru ko Travis Kelce yaba yaratandukanye na Taylor Swift bitewe no kutagaragara hamwe mu ruhame.

Abafana barishimye, ibihuha biraseswa

Nyuma y’aya mafoto, abafana babo ku mbuga nkoranyambaga byagaragaye ko bashimishijwe no kubona Taylor Swift na Travis Kelce basubiye ku murongo nk’uko byari bisanzwe, ndetse bamwe batangaje ko ibihe byose by’imyidagaduro biba bigira ibihe byabyo, aho abahanzi cyangwa ibyamamare bikenera umwanya wo gucumbika no kwita ku buzima bwabo bwite.

Abandi basabye abantu kugabanya amagambo atagira ishingiro bajya ku mbuga nkoranyambaga, aho basabye ko abakunzi b’ibyamamare bajya babaha umwanya wo kugira ubuzima busanzwe nk’abandi bantu, aho buri wese agira ibyo yikemurira ku giti cye.

Ubu abakurikiranira hafi umubano wa Taylor Swift na Travis Kelce baravuga ko nyuma yo kugaragara i Philadelphia, bashobora kongera gusohokana mu ruhame kenshi, cyane ko Taylor Swift ari no kwitegura igice gikurikira cy’ibitaramo bye bikomeye azakomeza gukora mu bihugu bitandukanye ku isi.

Icyizere cyongeye gusubira hejuru

Mu gihe abafana bari batangiye kugira impungenge, igaragara ryabo i Philadelphia ryabahaye icyizere ko urukundo rwabo ruracyari ku murongo mwiza. Nubwo Taylor Swift afite akazi kenshi ko gukora ibitaramo, hamwe n’uko Travis Kelce akomeje kwitegura indi mikino, aba bombi bagaragaje ko bagifite umwanya wo gusangira no kugaragariza isi ko urukundo rwabo rukomeye.

Abasesenguzi b’imyidagaduro bavuga ko n’ubwo ibibazo by’amategeko byiyongera ku buzima bwa Taylor Swift, kuba Travis Kelce amuri hafi ari ikimenyetso cy’uko bashobora gukomeza kubana neza, kandi bagakomeza kwiyubakira izina nk’abanyamwuga bafite umubano ukomeye w’urukundo mu ruhame.