Surprise ikomeye: Juno Kizigenza yatunguye couple imukunda kuri Saint Valentin abaha impano z’agatangaza (video)

Umuhanzi Juno Kizigenza yatunguye couple ya Patrick Cyusa na Paulette Mpano maze abaha impano zitangaje ndetse anafatanya nabo kwishima ku munsi w’abakundana (Saint Valentin).

Nkuko amashusho dukesha KC2 abigaragaza, aba bombi bari babanje kuganira n’umunyamakuru wa KC2 aho bamubwiye bimwe mu byaranze urugendo rw’urukundo rwabo kugeza kuri uyu munsi. Uko bamenyanye ndetse n’ibyabaye mbere yuko babana nk’umugabo n’umugore.

Paulette yavuze ko umwe mu bahanzi akunda bo mu Rwanda ari Juno Kizigenza ndetse anavuga ko indirimbo ya Juno Kizigenza yitwa Birenze ariyo ndirimbo umunsi utajya wira atumvise.

KC2 ku bufatanye na Patrick Cyusa, umugabo wa Paulette, bari bateguye gutungura Paulette maze bamuzanira Juno Kizigenza iwabo.

Akimukubita amaso, Paulette yasabywe n’ibyishimo mu maso ye amugwamo aramuhobera ndetse anasuhuza Cyusa.

Juno Kizigenza yagaragaje ibyishimo byinshi yatewe no guhura na couple ya Cyusa na Paulette ndetse anabaha impano yari yabateguriye ariyo y’ifoto yabo bari kumwe ndetse anabaha n’impano ya piano yari yateguriye abana babo.

Ibi birangiye bose bacinye akadiho!