Kubwayo Mc croix
Ikipe ya Southampton yirukanye umutoza wayo Russell Martin nyuma yo gutsindwa ibitego 5-0 na Tottenham ku Cyumweru, umukino wabasigiye amanota 9 batandukaniye n’itsinda ryo mu myanya ya nyuma muri Premier League.
Martin w’imyaka 38, yari amaze umwaka umwe muri Southampton, aho yayiyoboye mu kugaruka muri Premier League ubwo batsindaga Leeds United mu mukino wa Play-off muri Wembleyin’umwaka ushize. Ariko, nyuma yo gutsindwa kuri Tottenham, Southampton igoye kubona intsinzi kuko ari inshuro ya 13 itsinzwe muri iyi Shampiyona kuva yatangira, mu mikino 16 imaze gukina.
Intsinzi imwe gusa babonye muri iyi Shampiyona yabonetse ku mukino batsinzemo Everton mu Ugushyingo, ndetse ikipe ya St Mary’s ntirashobora kugera ku ntego yo gutsinda ibitego byinshi kuko imaze gutsinda ibitego 11 gusa mu mikino yose. Ibi byatumye ubuyobozi bwa Southampton bufata icyemezo cyo guhindura imiyoborere.
