Kubwayo Mc croix
Amateka akomeje kwandikwa muri ruhago y’u Rwanda, aho amatike yose y’umukino w’ikirarane wa shampiyona y’icyiciro cya mbere uzahuza Rayon Sports na APR FC yashize ku isoko umunsi umwe mbere y’uko umukino uba. Uyu mukino uteganyijwe kuba ku wa Gatandatu tariki ya 7 Ukuboza 2024, ukazabera muri Stade Amahoro Saa Kumi n’Ebyiri z’umugoroba.
Nk’uko Rayon Sports yabitangaje ku mbuga nkoranyambaga zayo, amatike yose kuri uyu mukino yamaze kugurwa, harimo imyanya ya VIP (20,000 Frw), VVIP (50,000 Frw), Executive Seats (200,000 Frw), na Sky Boxes (1,000,000 Frw). Stade Amahoro ivuguruye, yakira abafana 45,000, izaba yuzuye ku nshuro ya mbere kuva itashywe muri Nyakanga 2024.
Uyu mukino utegerejweho byinshi, ufatwa nk’ukomeye cyane kubera amateka n’umubano udasanzwe w’aya makipe abiri y’amateka mu Rwanda.
