HARAGIRIMANA Dieudonne
Myugariro w’ikipe y’igihugu y’u Rwanda Amavubi ndetse akaba ari mushya mu ikipe ya Rayon Sports Serumogo Ally Omar yanze kwizeza abakunzi ba Rayon Sports ibyo adashoboye ahubwo atangaza ikintu azafasha muri iyi kipe.
Mu minsi micye ishize nibwo ubuyobozi bwa Rayon Sports bubinyujije kumbuga nkoranyambaga bwatangaje kumugaragaro ko myugariro Serumogo Ally Omar ari umukinnyi mushya w’ikipe ya Rayon Sports hamwe n’abandi batandukanye barimo Nsabimana Aimable na Bugingo Hakim.
Myugariro Serumogo Ally Omar nyuma yo gukora imyitozo ya mbere mu ikipe ya Rayon Sports yatangaje ko atakizeza igikombe cya Shampiyona iyi kipe kuko muri Kiyovu Sports atigeze agitwara ariko ngo nafatanya n’abafana ndetse n’ikipe muri rusange igikombe bazagitwara.
Serumo Alli ibi yabitangaje ku munsi w’ejo hashize ubwo ikipe ya Rayon Sports yarangizaga imyitozo ya mbere itangira Shampiyona sezo 2023/2024. Serumogo yasinyiye imyaka 2 ikipe ya Rayon Sports yari avuye mu ikipe ya Kiyovu Sports yari amazemo imyaka itari munsi 2.
