Sergio Ramos yanditse amateka atari meza ku mugabane w’iburayi

Myugariro w’ikipe ya Paris Saint Germain Sergio Ramos García wakanyujijeho mu ikipe ya Real Madrid yahozemo ubu amaze guca agahigo ku mugabane w’Uburayi mu buryo butari bwiza.

Ramos uzwiho gukora amakosa cyane ubu yamaze kuba umukinnyi wa mbere umaze kubona amakarita y’umutuku ku mugabane w’Uburayi.

Ibi bije nyuma y’aho muri iyi weekend irangiye umukino wahuzaga ikipe ya PSG na Stade de Reims warangiye banganyije ubusa ku busa yabonye ikarita y’umutuku yari iya 23 amaze guhabwa.

Uyu myugariro wo mu gihugu cya Espanye azwiho gutsinda ibitego dore ko mu mikino 469 yakiriye ikipe ya Real Madrid yatsinze ibitego 71 naho mu ikipe ya PSG amaze gukina imikino 22 yatsinze ibitego 2 naho mu ikipe y’igihugu amaze gukina imikino 180 atsinda ibitego 23.