Senegal ya Sadio Mané yihereranye Brazil ya Vinicius Junior iyinyagira imvura y’ibitego

Ku mugoroba wo kuri uyu wa Kabiri taliki 20 Kamena 2023, ikipe ya Senegal ya Sadio Mané yafashe Brazil ya Vinicius Junior iyitsinda ibitego 4-2.

Uyu mukino wari uwa gishuti, wabereye muri Portugal, Sadio Mané yaje gufasha ikipe ye ya Senegal kuko yayitsindiye ibitego 2 muri uyu mukino.

Iyi Senegal biteganyijwe ko izakina n’Amavubi y’u Rwanda, mu mukino wa nyuma wo gushaka itike y’igikombe cy’Africa mu itsinda L. Tubibutse ko Amavubi yamaze gutakaza iyi tike, mu gihe Senegal yo yamaze kuyikatisha.