Sarpongo ati “Nta mahitamo yandi nari mfite”

Umukinnyi warumaze igihe avugwa mu ikipe ya As Kigali Michael Sarpongo, ku muQnsi wo ku wa mbere yagaragaye mu myitozo ya As Kigali nyuma y’uko yari amaze igihe kitari kirekire nta kipe afite.

Uyu munyabigwi hano mu Rwanda yamenyekanye cyane cyane mu ikipe ya Rayon Sports yakiniye imikino myinshi ndetse akaza no kuyifasha kwitwara neza hano mu Rwanda.

Mu kiganiro Michael Sarpongo yagiranye n’itangazamakuru yagize ati “Nishimiye kuba ndi hano, ndashimira AS Kigali kuba yaranzanye nkagaruka mu Rwanda, nje gukora kugira ngo mfashe ikipe kugera ku ntego zayo muri uyu mwaka w’imikino.”

Yakomeje kandi avuga ko kugaruka mu Rwanda atari amahitamo ye ahubwo cyari icyemezo cy’umuhagarariye ndetse unareberera inyungu ze.