THIERRY Mugiraneza
Sadio Mane, Umunya-Senegale ukinira ikipe ya Bayern Munich nka rutahizamu yamaze gucirwa amafaranga n’iyo kipe kubera gukubita mugenzi we.
Mu ijoro ryo kuwa Kabiri ikipe ya Manchester City yakiriye Bayern Munich, iyitsinda ibitego bitatu ku busa mu mukino ubanza wa ¼ muri Champions League. Muri uwo mukino nibwo Sadio Mane yatonganye na Leroy Sane, ubwo bari bageze mu rwambariro Mane yegereye Sane amukubita igipfunsi binamuviramo gukomereka ku munwa.
Ikinyamakuru Sky Germany kivuga ko ndetse ubwo abakinnyi bari bageze mu Budage , Sadio Mane atigeze ajyana n’abagenzi be muri Busi ahubwo yagiye wenyine mu modoka bwite.
Sadio Mane nyuma yo kurwana na Leroy Sane, ikipe ya Bayern Munich yamuhanisije kumuhagarika umukino umwe, bahuye na Hoffeneim mu mpera z’icyumweru ndetse banamuca amafaranga nubwo batari bayatangaje.
Kugeza ubu Sadio Mane yaciwe amande akabakaba amayero 300 ,gusa Mane yasabye imbabazi ikipe yose ndetse akaba yaragaruwe mu ikipe, nk’uko Sky Germany ibitangaza.
