HARAGIRIMANA Dieudonne
Umwana w’umukobwa w’imyaka 9 yamavuko witwa Uwase Denise wiga mu mwaka wa 4 w’amashuri abanza,arifuza ko papa we yapfa bikarangira kubera uburwayi bukomeye afite bwatumye atangira kubora ari muzima.
Uyu mwana w’umukobwa ni imfura mu muryango wabo, yarijije abantu benshi ubwo yatangaga icyifuzo asaba imana ko papa we, ngo aho kuguma aribwa n’umubiri yapfa bikarangira maze akaruhuka mu mahoro.
Uyu mwana abyarwa na, Mujawamariya clemantine, umugore wa sebarera vedaste. Aba bombi bafitanye abana bane.
Kugeza ubu, uyu muryango uri mu bukene bukomeye bwaturutse kuba umugabo yarafashwe n’uburwayi bataramenya ubwo aribwo, gusa bakavuga ko ntacyo batakoze ngo bamuvuze ariko bikananirana.
Ubwo uyu muryango waasurwaga n’umunyamakuru ukorera kuri Youtube wabashije kugaragaza agahinda bafite kubera uyu mugabo urwaye.By’umwihariko uyu mwana wavuze ko yifuza ko uyu mubyeyi we byaba byiza yipfiriye.
Uyu mwana w’umukobwa yakomeje avuga ko iyo ari ku ishuri akibuka uburyo papa we yirirwa ataka ngo bituma nta kindi kintu yaba agifashe mu mutwe ngo ibitekerezo byose abyimurira mu rugo.
Akaba ari na yo mpamvu uyu mwana avuga ko imana yabafasha maze papa wabo akipfira bikarangira.Umunyamakuru amubajije impamvu yumva yahitamo ko papa we yapfa, yamusubije ko ari uko aba ababara cyane, ibyo rero uyu mwana akaba yumva byarutwa n’uko yakipfira.
Mukankuranga violette ni nyirakuru w’aba bana. We avuga ko ababazwa n’abuzukuru be ngo kuko abona papa wabo agiye gupfa anamaze imitungo yari kuzarengera aba bana.
Yakomeje avuga ko atategeka Imana ngo ariko nayo yakarebye icyabaruhura akaba ari cyo ikora, ati: “Niba ari uwo gukira nakire kandi niba ari uwo gupfa napfe birangire”.
