Rwanda: Police yahagaritse imodoka itwara abagenzi, umwe muri bo ariruka abandi 3 batabwa muri yombi

Ni igikorwa cyatunguye abantu bari bari mu modoka ubwo bari bagize ngo yaba arwaye izindi ndwara zifitanye isano n’umutwe.

Imodoka itwara abagenzi yaturukaga i Mahoko yerecyeza mu Mujyi wa Kigali, yahagaritswe na Polisi ngo iyisake kuko yari imaze kwakira amakuru ko harimo urumogi, umwe mu bagenzi bari bayirimo ahita ayivamo ariruka, hafatirwamo ibilo 16 by’urumogi n’abantu batatu bakekwaho kugira uruhare muri iki gikorwa.

Aba bantu batatu ndetse n’uru rumogi, byafashwe ku ya 19 Ugushyingo 2022, n’ishami rya Polisi y’u Rwanda rishinzwe kurwanya abanyereza imisoro (RPU) mu karere ka Rubavu.