Rutsiro: Umugabo yabenzwe n’umugore we babyaranye ajya kwishakira undi mugabo ni uko maze nyamugabo ahita afata icyemezo cy’ububwa cyo kwiyahura akoresheje icyiziriko

Rutsiro: Umugabo yabenzwe n’umugore we babyaranye ajya kwishakira undi mugabo ni uko maze nyamugabo ahita afata icyemezo cy’ububwa cyo kwiyahura akoresheje icyiziriko.

Umugabo w’imyaka 36 wo mu karere ka Rutsiro yasanzwe mu mugozi w’inzitiramubu yapfuye nyuma y’uko umugore babyaranye abana batatu amutaye akajya gushaka undi mugabo.

Byabereye mu mudugudu wa Nyaburama, Akagari ka Kagano umurenge wa Mukura mu Karere ka Rutsiro mu Ntara y’Iburengerazuba.

Mu gitondo cyo ku wa 04 Nzeri 2023, nibwo umuturanyi wari ufitanye gahunda n’uwo mugabo, yagiye kumureba asanga anagana mu mugozi yapfuye.

Ubuyobozi bw’Inzego z’ibanze, inzego z’umutekano bwageze aho byabereye, mu gukurikirana busanga uyu mugabo yibanaga mu nzu wenyine kuko umugore yafashe abana abajyana iwabo, ajya kwishakira undi mugabo.

Umunyamabanga Nshingwabikorwa w’Umurenge wa Mukura, Ndayambaje Emmanuel yabwiye IGIHE ko uyu mugabo yafashe icyemezo kigayitse asaba abaturage kwirinda kwiheba no kugana ubuyobozi bubegereye bukabagira inama igihe cyose bafite ikibazo kibabangamiye.

Umurambo wa Nyakwigendera wajyanywe ku bitaro bya Murunda gukorerwa isuzuma mbere y’uko ushyingurwa.