Kubwayo Mc croix
Rutsiro FC yatangaje ko yahagaritse by’agateganyo umutoza mukuru Gatera Musa hamwe n’umunyezamu Matumele Monzobo Arnold, kubera umusaruro utari mwiza bagaragaje mu mukino w’umunsi wa 25 wa Shampiyona, aho Rutsiro FC yatsinzwe na APR FC ku wa 26 Mata 2025, kuri Stade Umuganda.
Mu itangazo iyi kipe yashyize hanze, yavuze ko iki cyemezo cyafashwe hagamijwe gushakira umuti ibibazo byagaragaye mu mikino iheruka, mu rwego rwo gukomeza guharanira kuguma mu cyiciro cya mbere.
Umutoza wungirije Rubangura Omar ni we ugiye gufata inshingano zo gutoza ikipe kugeza Shampiyona ya 2024/2025 irangiye.
Rutsiro FC irasaba abakunzi bayo gukomeza gutera ikipe inkunga, kugira ngo irangize neza imikino isigaye.
