Rutahizamu w’abanyarwanda Sugira Ernest wari umaze igihe nta kipe afite, yamaze gusinyira ikipe y’i Kigali ndetse anatangaza ko impamvu imuzanye ari Amavubi

Nyuma y’igihe kirekire adakina kuva yatandukanye na Al Wahda yo muri Syria, rutahizamu w’abanyarwanda, Sugira Erinest yasinyiye Kiyovu Sports, ahita atangaza ko agomba gukora cyane akagaruka mu ikipe y’igihugu Amavubi.

Ku wa 9 Kanama 2024 nibwo Sugira yerekanywe nk’umukinnyi mushya wa Kiyovu Sports izakoresha mu mwaka w’imikino wa 2024-25.

Nyuma yo gusinya, Sugira yagize ati “Ni nacyo kingaruye ubundi muri rusange, ni icyo ngicyo, ni ikibazo cy’igihe gusa kuko ikipe y’igihugu ni iya bose umuryango uhora ufunguye kandi ntabwo naciriweho iteka kugarukamo, ni ikipe y’Abanyarwanda, ni igihe gusa kibura.”

Sugira Ernest akaba yari amaze igihe adahamagarwa mu ikipe y’igihugu, kuva yajya gukina muri Syria nubwo atatinzeyo ntabwo yongeye guhamagarwa.