M.Ben
Rusizi: Umukobwa wakoraga mu kabari yabyaye umwana amuta ku gasozi imbwa iramurya iramumara.
Umukobwa uri mu kigero cy’imyaka 24 wakoraga mu kabari yakuyemo inda umwana amuta ku gasozi imbwa iramurya iramumara.
Ibi byabaye mu gitondo cyo kuri uyu wa gatandatu tariki ya 16 Nzeri 2023.Mu Mudugudu wa Tyazo, mu Kagali ka Kiyabo, mu Murenge wa Bweyeye.
Aya makuru yemejwe n’Umunyabamanga Nshingwabikorwa w’Umurenge wa Bweyeye, Ndamyimana Daniel Cyakora uyu mukobwa ucyekwaho yahise ajyanwa mu bitaro bya Gihundwe.
Yagize ati “Ayo makuru ni yo mu murukerera abaturage babonye imbwa ifite ikintu mu kanwa, barebye basanga n’igice cy’umwana bagerageje kukiyambura birabananira”.
Gitifu Ndamyimana avuga ko ucyekwaho yaje kwemera ko ari we wabikoze akaba yajyanywe Kwa muganga kugira ngo barebe ko nta kibazo yagize kuko yaragifite amaraso ku nda.
Gitifu asaba abaturage gutangira amakuru ku igihe ndetse no mu gihe umwana w’umukobwa yatwaye inda agomba kureka umwana akavuka kuko mu gihe agerageje kuyikuramo ishobora ku mwambura ubuzima.
