Rulindo: Imodoka yo mu bwoko bwa HOWO yari yikoreye amatafari yakoze impanuka, yaguye mu buryo butangaje

Ikamyo yo mu bwoko bwa HOWO, yakoze impanuka igwa mu kiraro mu muhanda wo mu Murenge wa Bushoki mu Karere ka Rulindo, ku bw’amahirwe umushoferi n’umutandiboyi barayirokoka.

Ni impanuka ibaye ku gicamunsi cyo kuri iki Cyumweru, tariki 29 Mutarama 2023, aho yari yikoreye amatafari, igeze ku kiraro ngo irusha uburemere kimwe mu biti maze kigwa mi mbere maze imodoka irahengama umushoferi agiye kugerageza kugarurura kuruhande isubira inyuma igwisha urubavu.

Birakekwa ko icyateye iyo mpanuka ari uko iyo kamyo yari yikoreye ibintu bifite uburemere burenze ubushobozi bwayo.