Rulindo: Umugabo yateze umugore we batandukanye avuye kwishyura ubwisungane mu kwivuza ku kagari ni uko maze ahita amwica urw’agashinyaguro

Rulindo: Umugabo yateze umugore we batandukanye avuye kwishyura ubwisungane mu kwivuza ku kagari ni uko maze ahita amwica urw’agashinyaguro.

Mu gitondo cyo ku wa Mbere tariki ya 28 Kanama 2023, Nibwo Ndabahariye wo mu Mudugudu wa Mugomero, Akagari ka Murama mu Murenge wa Kisaro mu Karere ka Rulindo yishe atemye umugore we witwa Mukarubayiza Régine bapfa amakimbirane ashingiye ku mitungo.

Amakuru avuga ko uyu mugabo wari waratandukanye numugore we, ngo yamwishe amutegeye mu nzira ubwo yari avuye biro by’akagari kabo ka Murama kwishyura ubwisungane mu kwivuza.

Umunyamabanga Nshingwabikorwa w’Umurenge wa Kisaro Uwamahoro Télesphore yabwiye IGIHE ko uyu mugabo n’umugore bari bafitanye amakimbirane ashingiye ku mitungo.

Akomeza avuga ko uyu mugabo yiciye umugore we mu muhanda hafi y’amashuri yegereye akagari ka Murama.

Ndabahariye yahise atabwa muri yombi kuri ubu akaba afungiye kuri sitasiyo y’Urwego rw’Ubugenzacyaha (RIB) ya Bushoke.