Ruhango:Umwana wari waraburiwe irengero yasanzwe mu cyobo cy’imyanda yarapfuye yaratangiye no kwangirika

Ruhango:Umwana wari waraburiwe irengero yasanzwe mu cyobo cy’imyanda yarapfuye yaratangiye no kwangirika

Umwana w’umuhungu wigaga mu mwaka wa kabiri w’amashuri abanza, batoye umurambo we mu cyobo kirekire kijyamo imyanda yo mu Kigo cy’amashuri.

Tuyisabe Charlotte, umubyeyi w’uyu mwana yabwiye UMUSEKE dukesha aya makuru ko umubiri we wari watangiye kwangirika.

Iradukunda Samson yigaga mu mwaka wa 2 w’amashuri abanza, umubyeyi we yagize ati “Umwana ni uwanjye kandi ndakeka ko bamwishe bakaza kumujugunya muri iki cyobo ngo bayobye uburari.”

Iyi Nkuru mbi yamenyekanye mu gitondo cyo kuri uyu wa Gatatu taliki 08 Gashyantare, 2023 ubwo hari uwari ugiye kuvidura icyobo imyanda iva mu bwiherero bw’abanyeshuri yo ku Ndangaburezi itemberamo.

Uyu mugabo yahise atabaza Ubuyobozi bw’Ikigo, nabwo bubimenyesha inzego z’umutekano.

Ngo yabuze ku italiki ya 01 Gashyantare, 2023 saa kumi z’umugoroba,  kuva icyo gihe kugeza uyu munsi ubwo umurambo we wabonekaga.

Ivomo:UMUSEKE.RW