Ruhango:Umugabo yafatiye mu cyuho umukozi ushinzwe ubuzima ari mu cyumba cye n’umugore we bakuye mo imyenda

Umugabo utuye mu karere ka Ruhango mu murenge wa Kabagari yatangarije abanyamakuru amahano yaboneye iwe mu rugo.

Avuga ko yasanze umugore we ari kumwe n’umukozi ushinzwe ubuzima mu murenge wa Kabagari wo muri ako karere ka Ruhango bari mu cyumba cye bambaye ubusa.

Bivugwa ko uwo muyobozi  yasabaga uwo mugore ruswa y’igitsina ngo kugira ngo ashyire umwana wabo mu mushinga urihira amashuri abatishoboye uri gukorera muri ako karere ka Ruhango.

Uwo mugabo akomeza avuga ko ubusanzwe umugore we bari babanye neza kuburyo atacyekaga ko yamuca inyuma kuko iyo ngeso atari abimuziho.