Ruhango: Umurambo w’umugore wasanzwe ureremba hejuru y’icyuzi cyuhira umuceri

Bamwe mu baturage bo mu Murenge wa Bweramana mu Karere ka Ruhango, bavuga ko basanze umurambo w’umugore utabashije kumenyekana mu cyuzi cyuhira umuceri.

Bamwe muri abo baturage babwiye UMUSEKE ko igikorwa cyo gukura uyu murambo mu cyuzi, cyabaye mu gitondo cyo kuri uyu wa 3 Taliki 30/Kanama/2023.

Bavuga ko uyu mubyeyi uri mu kigero cy’Imyaka isaga 30.

Umukozi ushinzwe Imari n’Ubutegetsi mu Murenge wa Bweramana Manzi Eric avuga ko bakimara kumenya iyo nkuru batabaye basanga umurambo we umaze kuvanwa muri icyo cyuzi.