Ruhango; Umupolisi yatemwe ndetse baranamwambura

Mu karere ka Ruhango haravugwa urugomo rwarenze urugero nyuma y’uko abantu bagiye batemwa ndetse bikaba byanageze ku bapolisi aho umupolisi yatemwe ari kumwe n’undi mugenzi bari bari kumwe.

Ibi byabereye mu Mudugudu wa Rusororo mu Kagari ka Kirengeri, mu Murenge wa Byimana mu Karere ka Ruhango.

Hari kuri uyu wa Kabiri tariki 23 Kanama 2022 ahagana saa Moya , umupolisikazi witwa Mukeshimana Claudine yatezwe n’abagizi ba nabi ubwo yari mu nzira atashye yambaye imyenda isanzwe ya gisivile.

Uyu mupolisi yari ari kumwe n’undi muturage wari uri ku igare bakamanukana baganira hanyuma bagera imbere bagategwa n’abahizi ba nabi bagahita batema uyu mupolisi ndetse undi mugabo bari bari kumwe bakamuta munsi y’umukingo.