Ruhango: Umugabo yafashe icyemezo cy’ububwa cyo kwiyahura akoresheje icyiziriko nyuma y’uko umugore we yiyeguriye Yesu agatangira kujya amwima kuri gahunda yo kugira

Ruhango: Umugabo yafashe icyemezo cy’ububwa cyo kwiyahura akoresheje icyiziriko nyuma y’uko umugore we yiyeguriye Yesu agatangira kujya amwima kuri gahunda yo kugira.

Umugabo wo mu karere ka Ruhango mu murenge wa Ruhango aherutse kwiyahura.

Abaturage bavuga ko impamvu bakeka ko yiyahuye ari uko umugore we yiyeguriye Imana agahagarika kujya aryamana n’umugabo we.

Uyu mugore witwa Xavera yavuze ko kuwa 29 Kanama 2023 ubwo yajyanaga n’abana be guhinga, umugabo yabasanzeyo bamusaba gusubira mu rugo kujya kuzana ihene.

Icyakora ngo bakomeje gutegereza uwo mugabo hashize isaha ataragaruka bajya kumureba basanga amanitse mu kiziriko.

Yabwiye TV1 ko bajyanye umurambo w’uwo mugabo kwa muganga, abaganga bakamubwira ko umugabo we yimanitse yajya kumva agiye gupfa akagerageza kwibohora ariko bikanga.

Umukuru w’umudugudu wa Kirehe batuyemo, we yavuze ko nta kindi kibazo kizwi nyakwigendera yari afitanye n’uwo bashakanye uretse kuba umugore atarubahirizaga inshingano z’urugo.

Nyakwigendera afite imyaka 56, aho we n’umugore we bafitanye abana batatu, umukuru w’imyaka 15 naho umuto akaba afite imyaka 9 y’amavuko.