Rubavu: Umwarimu yahuye n’ibyago ubwo yari avuye gusenga muri nibature

Umwarimu wo mu Karere ka Rubavu witwa Pastor Rucagu Boniface arembeye mu bitaro bya Gisenyi nyuma yo kunigwa n’abagizi ba nabi ubwo yari avuye mu masengesho ya mu gitondo azwi nka nibature.

Pastor Rucagu yajyanwe mu bitaro yabaye intere,
amakuru avuga ko yasagariwe mu gitondo cyo kuri uyu wa 1 Mata 2023 mu Kagari ka Gisa mu Murenge wa Rugerero mu Karere ka Rubavu.

Amakuru avuga ko ubwo Pastor Rucagu yavaga mu masengesho ya mu gitondo azwi nka nibature yahuye n’insoresore ziramuniga hafi kumuheza umwuka.

Amakuru avua ko murenge wa Rugerero hadutse insoresore ziteza umutekano muke kugera aho abaturage bamaze kumenyera kugera mu ngo mbere ya saa mbiri z’ijoro.