Rubavu: umugabo yishe Umugore we wari utwite ahita acika

Mu Karere ka Rubavu mu Murenge wa Mudende mu Kagari ka Bihungwe haravugwa inkuru y’umugabo wishe umugore we wari utwite amutemye agahita atoroka ariko akaba arimo gushakishwa kugira ngo ahanwe.

Iki gikorwa cyabaye kuri uyu wa Mbere tariki 03 Ukwakira 2022, cyabereye mu Mudugudu wa Rukeri mu Kagari ka Bihungwe mu Murenge wa Mudende aho uyu muryango usanzwe utuye.

Umuyobozi w’uyu murenge yagize ati “Birakekwa ko umugore yishwe n’umugabo we kuko yahise abura.”