Uwihirwe
Mu gitondo cyo kuri uyu wa 28 Werurwe 2024 nibwo mu muryango mugari ubarizwamo umuhanzi The Ben, hasakaye inkuru y’inshamugongo y’urupfu rwa Nyirakuru.
Uyu mukecuru ukuze ariko ugaragara nk’uwari agifite imbaraga, yitabye Imana ubwo yari mu nzira ajyanywe kwa muganga nyuma yo kumara iminsi arwaye.
Umwe mubo abereye Nyirakuru yagize ati” Nyogokuru yari akuze ariko agifite imbaraga, yitabye Imana mu gitondo cyo kuri uyu wa 28 ubwo yari ajyanywe kwa muganga, yari amaze iminsi arwaye ariko atarembye”.
Uyu Mukecuru witwa Mukangarambe Yunia ni Nyirakuru wa The Ben ubyara Nyina, yari atuye mu karere ka Kayonza mu ntara y’Iburasirazuba.
