Uwihirwe
RIP Niyonsaba Médiatrice: Ruhango Imodoka yagonze abakozi babiri ba karere, shoferi ahita akora igikorwa kigayitse cyane kitazatuma ababarirwa
Impanuka y’imodoka itaramenyekana kugeza ubu, yaraye igonze Umukozi ushinzwe Imibereho myiza y’abaturage mu Murenge wa Bweramana mu Karere Ruhango witwaga Niyonsaba Médiatrice ikomeretsa mugenzi we Mushimiyimana André.
Mushimiyimana André yari atwaye Niyonsaba Médiatrice kuri moto barimo bava mu mujyi wa Muhanga berekeza mu Ruhango.
Umuvugizi wa Polisi avuga ko imodoka yabagonze yavuye mu mukono wayo ikabasanga mu mukono bagenderagamo ikabagonga, gusa shoferi yahise yiruka aracika.
Impanuka ikimara kuba bahise bajyanwa kwa muganga gusa Niyonsaba Médiatrice ntiyahiriwe n’ubuzima kuko yahise yitaba Imana.
Polisi ivuga ko kugeza ubu bakiri gukora iperereza ngo bamenye iyo modoka iyo ariyo ndetse bamenye n’umuntu wari uyitwaye.
