RIP Mukeshimana Viateur! Rusizi, umugabo yiciwe mu ruhame rw’inteko y’abaturage nyuma yo gucyekwaho kuroga

RIP Mukeshimana Viateur! Rusizi, umugabo yiciwe mu ruhame rw’inteko y’abaturage nyuma yo gucyekwaho kuroga.

Amakuru aturuka mu mudugudu wa Shara, akagari ka Kamurehe, umurenge wa Gashonga, akarere ka Rusizi ni ay’iyicwa ry’umugabo w’imyaka 44 witwaga Mukeshimana Viateur.

Uyu mugabo yishwe n’abaturage barimo Nyandwi Evariste w’imyaka 28 n’abavandimwe be 5 barimo bashiki be 2.

Kuri ubu abakekwa bose bafungiye kuri Sitasiyo ya RIB ya Gashonga, mu gihe hakomeje iperereza.

Uwahaye amakuru Bwiza.com, yavuze ko iyicwa rya Mukeshimana Viateur wari umaze igihe kinini akekwaho n’abaturanyi be amarozi, ryabaye mu ma saa kumi n’igice z’umugoroba wo ku Cyumweru, ku wa 27 Kanama,ubwo muri uyu mudugudu haberaga inama yateguraga imurikabikorwa riba kuri uyu wa 30 Kanama muri uyu murenge.

Umurambo wa Mukeshimana wajyanywe mu bitaro bya Mibilizi gukorerwa isuzuma mbere y’ishyingurwa.