RIP Jean de Dieu! Umugabo utuye mu karere ka Musanze yasanzwe mu karere ka Nyabihu yishwe akaswe ijosi

Umugabo witwa Baririka Jean de Dieu wo mu Karere ka Musanze w’imyaka 44 y’amavuko wakoraga akazi ko gutwara abantu n’ibintu ku igare bamusanze muri Nyabihu yishwe akaswe ijosi.

Amakuru y’urupfu rw’uyu nyakwigendera bakundaga guhimba Jyumutinya, wari utuye mu Murenge wa Nkotsi, Akagari ka Bikara mu Mudugudu wa Nyakinama, yamenyekanye ku wa Kane ubwo umuturage bita Baziramwabo Théogène yajyaga guhinga akabona igare riri mu kayira hepfo y’aho hari umurambo, ahita atabaza.

Amakuru yabashije kumenyekana ni uko bamubonye ku mugoroba wo kunwa Gatatu mu kabari k’uwitwa Bagirubwira Jean Damascène na Sayisayi, muri Nyabihu mu Mudugudu wa Kirebe hafi ya Santere ya Kinkware.