Epaphrodite Nsengimana
Urwego rw’Igihugu rw’Ubugenzacyaha, RIB, rwatangiye iperereza rigamije gucukumbura abyihishe inyuma y’urugomo rwakorewe abafana ba APR FC nyuma y’umukino wahuje ikipe ya Rayon Sports na APR FC bikaza kurangira Rayon inyabitse APR FC igitego 1-0 cya Ngendahima Eric kuri sitade Huye.
Nyuma y’uyu mukino abafana ba APR FC ubwo bari mu nzira batashye batewe amabuye mu modoka ya Riti bari barimo maze ibirahure birameneka ndetse bamwe barakomereka.
Umuvugizi wa RIB, Dr Murangira B. Thierry, yavuze ko hatangijwe iperereza rigamije kureba abihishe inyuma y’uru rugomo.
Dr. Murangira akomeza avuga ko iperereza ari ryo rizagaragaza niba urugomo rwakozwe rufitanye isano n’umukino w’ishiraniro wahuje aya makipe y’amakeba muri ruhago Nyarwanda.
Ni nyuma yo kwitana ba mwana, abafana ba APR FC bakavuga ko ari aba Rayon Sports babateye amabuye, ni mu gihe kandi umuvigizi wa Rayon Sports nawe yari yatangaje ko wasanga ari abakunzi ba APR FC babikoze kubera kutishimira umusaruro wayo.
