Kubwayo Mc croix
Urwego rw’Igihugu rw’Ubugenzacyaha (RIB) rwamenyesheje abanyamakuru ba siporo ko bakwiye kwitondera amagambo bakoresha mu biganiro byabo, cyane cyane ku mbuga nkoranyambaga no mu bitangazamakuru. Dr. Thierry B.Murangira, Umuvugizi wa RIB, yasabye abanyamakuru kwirinda kwibasira abantu bishingiye ku mafuti y’amakipe bafana, gukoresha amagambo akomeretsa no gutangaza ibivogera ubuzima bwite bw’abandi, kuko bishobora kubaviramo ibibazo by’ubutabera.
Mu biherutse kugaragara, abanyamakuru bashinjanye ruswa, kugabanya imyaka y’abakinnyi no gukoresha imvugo z’amacakubiri.
RIB yibukije ko siporo atari intambara, isaba abanyamakuru kubaha ubuzima bwite bw’abantu no kwirinda amagambo ashobora kubiba urwango.
