Reyon sport ishobora kujya aho umwanzi abishaka nyuma yo guterwa utwatsi n’abayitozaga

Mu gihe isoko ry’abakinnyi rizafungwa ku munsi w’ejo ku wa Gatanu tariki ya 27 Mutarama, Rayon Sports ishobora kwisanga mu gihombo mu gihe isoko rishobora gufungwa itarandikisha rutahizamu mushya iheruka kugura, Heritier Luvumbu kubera amadeni bafitiye abatoza bahoze bayitoza.

Muri Gashyantare 2022 ni bwo Jorge Paixão yagizwe umutoza wa Rayon Sports mu gihe cy’amezi 6 ariko atoza 5, byari ugutoza shampiyona ya 2021-22 akayirangiza.

Nyuma ya shampiyona ya 2021-22 aho Rayon Sports yarangije ku mwanya 4, yaje gutandukana n’iyi kipe aho ubu asigaye atoza Yarmouk yo muri Kuwait.

Muri Kanama 2022, Jorge Paixão yatanze ikirego muri FIFA arega Rayon Sports, si we gusa kuko n’umwungiriza we, Paula Daniel Ferreira Faria na we yari yayireze.