Real Madrid yatandukanye burundu n’umukinnyi wayikoreye ibitangaza.

Ku mwaka 34 yose yahisemo kujya gushakira amahirwe ahandi ndetse ashimira abakinnyi bakinanye ndetse n’abandi bose bamubaye hafi.

Marcelo ukomoka muri Brazil yamaze gufata umwanzuro wo gutandukana na Real Madrid burundu ahitamo kujya gushakira ahandi nyuma y’imyaka 15 akinira iyi kipe yo mu mujyi wa Madrid.

Marcelo wakinaga inyuma ku ruhando, yayitwariye ibikombe bigiye bidandukanye ariko abantu ntibazibagirwa ibikombe 5 bya Champions league yatwaranye n’iyi kipe, akaba ari mu bakinnyi batwaye ibikombe byinshi muri Real Madrid mu mateka yose.

Nk’uko byatangajwe n’ikipe ni uko umuhango wo kumusezera nka Captain w’iyi kipe uzabera mu mujyi wa Madrid ndetse ko na Perez azaba ahibereye.

Ikindi ni uko nyuma yo kurangiza umuhango wo kumusezera azakorana ikiganiro n’itangazamakuru muri Real Madrid City ndetse akabagezaho ikiri ku mutima.