HARAGIRIMANA Dieudonne
Real Madrid nyuma yo kubona uburyo amakipe afite amafaranga menshi yitwara ku isoko yiteguye guha Vinicius Jr amasezerano mashya azaba akubiyemo amananiza yose ku muntu washaka kumugura yitwaje amafaranga.
Vinicius Jr wimyaka 21 akaba yarishimiye bikomeye uburyo yabaye umukinnyi ngenderwaho mu ikipe ya Real Madrid ndetse akaba yaranayifashije kwegukana igikombe cya Champions league ku nshuro ya 14 atsinze igitego Liverpool.
Nyuma y’ibyo yakoreye ikipe, Perez akaba yashatse kumwitura ndetse amasezerano mashya akaba akubiyemo amafaranga menshi azatuma yishimira gukinira Real Madrid.
Nkuko ikinyamakuru Marca kibitangaza ni uko amasezerano azashyirwaho umukono mu kwa karindwi igihe abakinnyi bazaba bavuye mu biruhuko bisoza Season y’imikino.
Marca itangaza kandi ko amasezerano ye azaba arimo ingingo y’uko ikipe imushaka izatanga miliyoni 856 z’amayero ndetse ikanatanga inyongera z’agera kuri miliyoni 300.
