Rayvanny yongeye gutera gapapu Harmonize amutwara inkumi ubugira kabiri – AMAFOTO

Nyuma y’iminsi mike umuhanzi Rajab Abdul Kahali uzwi nka Harmonize avugwa mu rukundo n’umuhanzikazi Feza Kessy ugaragara mu ndirimbo ye “Wote”, kuri ubu Raymond Shaban Mwakyusa uzwi muri muzika ya Tanzania nka Rayvanny yagaragaye ari kumwe n’uyu Feza Kessy.

Hari hashize iminsi mike kandi Rayvanny  atesheje Harmonize washakaga ko Paula Kajala baryamana.

Uyu mukobwa yagaragaye yahuje urugwiro na Rayvanny usanzwe uzwiho kutarebana neza Harmonize.

Rayvanny n’uyu mukobwa uvugwa mu rukundo na Harmonize bagaragaye mu ijoro ryo ku wa mbere bari mu birori byo kumurika album y’umuhanzi Marioo ariko bagaragara nk’abari mu kibatsi cy’urukundo.