Rayon Sports yateye utwatsi Youssef Rharb wifuzaga kuyigarukamo nyuma yo kubona undi rutahizamu w’igihangange uzasinya muri iki cyumweru

Ikipe ya Rayon Sports yamaze gukura amaso kuri Youssef Rharb ukomoka mu gihugu cya Morocco bitewe n’uko ishaka gusinyisha rutahizamu w’umuhanga.

Hashize igihe bivugwa ko Youssef Rharb yasabye Rayon Sports kuyigarukamo akayikinira igice cy’imikino yo kwishyura (Phase Retour), gusa bisa naho bizagorana ko ayizamo.

Impamvu ikomeye Rayon Sports yavuye mu rugamba rwo kugarura Youssef Rharb ni uko isigaje kongeramo umukinnyi umwe rukumbi bityo ikaba izagura rutahizamu uzayifasha kubona ibitego byinshi.

Bivugwa ko Sumaila Molo ari we rutahizamu uzasinyira Rayon Sports muri iki cyumweru akaba ashobora kuzatangwaho miliyoni 15 z’Amanyarwanda agasinya umwaka n’igice.

Sumaila Molo ukomoka mu gihugu cya Ghana amaze gutsinda ibitego 9 mu mikino 15 ya shampiyona y’Icyiciro cya Mbere umwaka w’imikino wa 2022-2023.