Social Mula
Ikipe ya Rayon Sports yamaze kwandikira Ishyirahamwe ry’Umupira w’Amaguru mu Rwanda ‘FERWAFA’ iyisaba ko umubare w’abakinnyi ikipe ikoresha wava kuri 30 ukagera kuri 33.
Muri Mutarama umwaka utaha hazasubukurwa isoko ry’igura n’igurisha ry’abakinnyi, Rayon Sports ikaba yamaze kumvikana n’abakinnyi batandukanye gusa iri kuzitirwa n’uko yenda kuzuza imyanya yagenwe na FERWAFA.
Ubusanzwe FERWAFA itegeka amakipe ko agomba kwandikisha abakinnyi 30 akaba ari nabo bahabwa Liscence zibemerera gukinira amakipe yabo.
Mu gitondo cyo kuri uyu wa Gatanu tariki 30 Ukuboza 2022, Rayon Sports yandikiye FERWAFA iyisaba ko yakongera umubare w’abakinnyi bahabwa Liscence bakava kuri 30 bakagera kuri 33.
Mu gihe FERWAFA yakwemera icyifuzo cya Rayon Sports, iyi kipe yaba yemerewe kongeramo abakinnyi batanu bose kuko yari ifite 28 bafite Liscence.
