“Rayon Sports ntiyari kubona ayo guhemba Okwi” Perezida wa Kiyovu Sports Juvenal Mvukiyehe yemeje amakuru yerekezaga Okwi muri Rayon Sports

Perezida w’ikipe ya Kigali Sports, Mvukiyehe Juvenal yemeje ko Emmanuel OKWI iyo agaruka mu Rwanda atari gukinira Rayon Sports kuko ntabushobozi bwo kumuhemba bari bafite.

Kuri uyu wa Kane tariki ya 1 Nzeri 2022 nibwo Perezida Mvukiyehe Juvenal yagiranye ikiganiro na RadioTv10 aho yari ari kuvuga ku buzima bw’ikipe abereye umuyobozi muri iki gihe.

Perezida wa Kiyovu Sports, Mvukiyehe Juvenal yabajijwe kuri Emmanuel OKWI byavuzwe ko yari yateye umugongo Kiyovu Sports akajya kuganiro na Rayon Sports.

Mu gusubiza Perezida wa Kiyovu Sports Juvenal Mvukiyehe yavuze ibyo bitari gukunda kuko Rayon Sports ntabushobozi yari ifite bwo kumuhemba kuko bamuhaga make ku yo Kiyovu Sports yamuhaga.

Mvukiyehe Juvenal ati: “Iyo Emmanuel Okwi aza mu Rwanda ntakinire Kiyovu Sports ntabwo yari kujya muri Rayon Sports kuko yamuhaga 1/4 cy’ayo (Amafaranga) twamuhaga.”