Philcollens
Rayon Sports ikubise abasirikare barwanira mu mazi
Kuri iki cyumweru ikipe ya Rayon Sports yakinnye n’ikipe ya Marine FC mu mukino watangiye ku isaha ya saa kumi n’ebyiri z’umugoroba ubera kuri Sitade ya Kigali Pele Stadium.
Ikipe ya Rayon Sports yagombaga gutsinda uko byagenda kose yatangiye ubona ko irusha ikipe ya Marine FC ndetse ku munota wa 5 Tuyisenge Arsene ahita atsinda igitego cya mbere cya Rayon Sports.
Marine FC yari yasuye ikipe ya Rayon Sports hano i kigali wabonaga ko yaje mu mukino ititeguye, ntabwo yigeze ishaka uko yakishyura ahubwo Rayon Sports n’umutoza wayo Mette yakomeje gushaka ibitego ku munota wa 45 yatsinze ikindi gitego gitsinzwe na Charles Bbaale.
Mu gice cya kabiri ntabitangaza byabonetse usibye kugenda amakipe ahusha ibitego byabaga byabazwe ndetse umukino uza kurangira Rayon Sports itsinze ibitego 2-0 ikipe y’igisirikare cyirwanira mu mazi ‘Marine FC’.
