Rayon Sports igiye gutangaza kumugaragaro rutahizamu karundura abafana b’iyi kipe bitezeho ibitego byinshi babuze

Ikipe ya Rayon Sports nyuma y’iminsi myinshi ishaka cyane rutahizamu w’ikipe ya Etincelles FC Ismael Moro, ubu igiye kumutangaza kumugaragaro nk’umukinnyi wayo.

Shampiyona y’icyiciro cya mbere hano mu Rwanda imikino ibanza yarangiye tariki 18 Ukuboza 2022, nibwo hatangiye kuvugwa cyane ko ikipe ya Rayon Sports na AS Kigali zirimo kwirukanka kuri rutahizamu Ismael Moro wabiciye bigacika muri iyi mikino ibanza ya Shampiyona yarangiye.

Uyu mukinnyi hari igihe cyageze bivugwa ko yamaze kurangizanya n’ikipe ya AS Kigali ariko ikipe ya Etincelles FC itegereza ko bashyira amafaranga kuri konte y’iyi kipe baraheba. Amakuru YEGOB yamenye ni uko Ikipe ya Rayon Sports Milliyoni 25 yasabwe na Etincelles FC yemeye kuzitanga mu maguru mashya cyane ko ariyo ikeneye rutahizamu kurusha AS Kigali.

Biravugwa ko Ismael Moro agomba gutangaza kumugaragaro mu minsi mike iri imbere cyane ko ngo kugeza ubu yibereye mu mujyi wa Kigali aho yaje kurangizanya na Rayon Sports yamwifuje bikomeye.

Ikipe ya AS Kigali ifite ba rutahizamu bakomeye bayobowe na Hussein Shaban Chabalala, ntawagira inama Ismael Moro yo kwerekeza muri iyi kipe bitewe nuko ashobora kutazabona umwanya wo gukina ariko mu ikipe ya Rayon Sports yaba ariwe nkingi ya mwamba mu gihe cyose yemeye kujyayo cyane ko ntawundi rutahizamu uhari ushoboye.