Rayon sport yatanze ubutumwa bukomeye ku makipe bahanganye

Rayon sport yongeye kwisubiza icyubahiro imbere ya Rutsiro fc yayigoye muri shampiyona y’u mwaka washize.

Rayon Sports yari yitezwe n’abafana bayo nyuma yo kugura abakinnyi benshi ndetse no kugaragaza ubushake bwo kongera kuba ikipe ikomeye,yagowe bikomeye na Rutsiro FC yayihagamye kugeza ubwo benshi bakeka ko itakaje amanota ku munsi wa mbere.

Icyakora niyo yafunguye amazamu ku gitego cyatsinzwe n’umurundi Mbirizi Eric ku munota wa 27 ndetse igice cya mbere niko cyarangiye.

Ku munota wa 55 Rutsiro yaje kwishyura igitego yatsinzwe na Mumbele Jonas Mulakidogo.

Rayon sport yakomeje kuyisatira cyane aho ku munota wa 90 yabonye igitego cya kabiri gitsinzwe na Didier Mucyo.