Kubwayo Mc croix
Mu mukino wahuje ikipe yatwaye Shampiyona n’iyatwaye Igikombe cy’Amahoro, Police FC yatsinze APR FC kuri penaliti 6-5 nyuma yo kunganya ubusa ku busa mu minota 90. Uyu mukino wa FERWAFA Super Coupe wabereye kuri stade ya Kigali i Nyamiramirambo.
Police FC yatwaye igikombe hamwe n’ishimwe rya miliyoni 10 Frw mu gihe APR FC yahawe miliyoni 5 Frw.
APR FC, ikaba yitegura guhura na Azam FC mu mukino wa CAF Champions League uzabera muri Tanzania mu cyumweru gitaha. Ku rundi ruhande, Police FC izakina na CS Constantine muri CAF Confederation Cup.
Iyi ntsinzi ya Police FC iratanga icyizere ku ikipe y’abashinzwe umutekano mbere yo kwitabira amarushanwa nyafurika, aho izaba ihangana n’amakipe akomeye ku mugabane wa Afurika.
