THIERRY Mugiraneza
Ikipe ya Gasogi United yakubiswe na Rayon Sports ibitego bibiri kuri kimwe mu mukino w’umunsi wa 20 wa shampiyona y’ikiciro cya mbere mu Rwanda wabaye kuri uyu wa gatandatu ukabera kuri sitade y’Akarere ka Bugesera.
Uyu mukino wagiye gukinwa harabanje guterana amagambo hagati y’impande zombi.
Ikindi cyakomezaga uyu mukino ni uko wagiye kuba izi kipe zikurikiranye ku rutonde rw’agateganyo rwa shampiyona, Gasogi United iri ku mwanya wa gatatu n’aho Rayon Sports iri ku mwanya wa kane ariko zombi zifite amanota 36.
Muri uyu mukino watangiye saa Kenda n’igice , Gasogi United niyi yatinze igitego cya mbere ku munota wa 16 gitsinzwe na Bugingo Hakim.
Rayon Sports nayo yaje gutsinda igitego cyo kwishyura ku munota wa 40 cyatsinzwe na Willy Essomba Onana.
Willy Essomba Onana wari wagize umukino mwiza yaje kurokora Rayon Sports ku munota wa 85 ubwo yihamburaga ishoti riremereye, umuzamu Cyuzuzo Aime wa Gasogi United nyitamenya uko bigenze.
Umukino urangira Rayon Sports itsinze ibitego bibiri kuri kimwe.
Indi mikino y’umunsi wa 20 yakinwe kuri uyu wa Gatandatu:
Kiyovu Sports 3-1 Marine Football Club.
Mukura VL 0-1 Rwamagana Football Club.
Gorilla Football Club 2- 0 Espoir Football Club.
