HARAGIRIMANA Dieudonne
Umuhanzi Platini Nemeye uherutse kuzuza inzu y’akataraboneka i Nyamata yavuze uko byagenze ubwo yararimo kubaka iyi nzu. Ni mu kiganiro yagiranye n’imwe muri Televiziyo zikorera kuri YouTube.
Nkuko Platini yabivuze yavuze ko inzu ye yagiye ayubaka gahoro gahoro uko yagiye abona amafaranga gusa avuga ko bitari byoroshye. Yakomeje avuga ko umwe mu minsi atazibagirwa ubwo yararimo kubaka iriya nzu ye ari umunsi amafaranga yarafite mu mufuka yose yamushiranye.
Platini Nemeye usanzwe ari umuhanzi ndetse kuri ubu akaba afite indirimbo ye nshya yise Jojo, yagarutse kuri bimwe mu byo yakoze ndetse anakora ku ruhande rw’umuziki aho yavuze ko kera yari afite iduka risukura imyambaro (dry cleaner) nyuma aza gukora ubucuruzi bushingiye mu gutwara abantu mu modoka (taxi voiture).
Amwe mu mafoto y’inzu ya Platini:
