YegoB
Myugariro w’ikipe ya Fc Barcelone, Gerard Pique n’ umuhanzikazi Shakira bamaze imyaka igera kuri intandatu bakundana ndetse ubu banafitanye abana babiri, gusa ariko uburyo urukundo rwabo rwatangiye ntibisanzwe.
Mu kiganiro yagiranye na TV3, Pique akaba yagarutse ku buryo yamenyanye na Shakira agira ati :”Ba mbere mpura na Shakira, twari i Madrid mu ifatwa ry’amashusho y’indirimbo y’igikombe cy’isi 2010 Waka waka. Nahise musaba numero ya telephone. Yageze muri Afurika y’Epfo mbere yacu kuko yagombaga kuririmba mu muhango wo gutangiza igikombe cy’isi. Naramwandikiye mubaza uko ikirere cyaho kimeze kuko twe twari kugerayo nyuma y’iminsi miki. Ubusanzwe iyo wndikiye umuntu ibibazo by’ubugiryo nk’ibyo uba witeguye ko asubiza wenda ngo ‘Harakonje uzazane ibyo kwifubika’. Gusa we yaragiye anyandikira igitabo ansobanurira buri kamawe kose. Nahise mbonako bidasanzwe byagaragara ko anyitayeho bikomeye.”
“Twakomeje kohererezanya ubutumwa mu gikombe cy’isi, gusa amahirwe yonyine nari mfite yo kumubona kwari kugera kuri final kuko yagomba kuririmba mu muhango wa gusoza igikombe cy’isi. Rero nari naramwemereye ko niba bisaba ko tugera final kugirango twongere tubonane nzakora ibishoboka tukahagera.”
