Pique nyuma yo gutandukana na Shakira ibye muri Barca byasubiwemo.

Gerard Pique nyuma yo gutandukana na Shakira ashinjwa kumuca inyuma, yabwiwe n’umutoza we ndetse banahoze bakinana Xavi, ko atakimukeneye muri gahunda ze ndetse amusaba kuva Nou Camp.

Uyu mukinnyi wa Espanye bivugwako yabwiwe ko atagikenewe muri iyi kipe bitewe n’ibibazo by’imyitwarire  ndetse n’ibindi bibazo yagiranye n’uwari umugore we.

Nkuko ikinyamakuru cyo muri Espanye kitwa SPORT kibitangaza, ngo ni uko kandi Pique afite n’izindi business akora z’ubucuruzi bikaba bitamukundirako akora akazi ke neza uko bikwiye.

Xavi kandi akaba atangazako mu mikinire igezweho y’umupira w’amaguru muri iki gihe, Pique atabasha kugendana nawo bitewe n’imyaka afite imusatiriza ubusaza.

Uyu Pique akaba azahabwa amafaranga angana na Miliyoni 34.3 z’amayero igihe azaba asezerewe, bitewe n’amasezerano Pique yari afitanye na FC Barcelona.