“Phil Peter yanga Scovia” Hamenyekane impamvu nyamukuru Mutesi Scovia yimwe igihembo muri The Choice Award

Nyuma y’uko hatanzwe ibihembo bya The Choice Award 2022 maze Aliah Cool agahigika Mutesi Scovia n’abandi mu gice cya Influencer, umunyamakuru DC Clement yavuze ko Phil Peter nyiri gutanga ibihembo yanga cyane Scovia.

Clement yavugaga ko igihembo cyahawe Aliah cyari guhabwa Scovia gusa ngo kubera urwango Phil Peter afitiye Scovia byatumye acyihera Aliah.

Clement na we wigeze gukora kuri The Choice ndetse akajya anatanga ibyo bihembo, yavuze ko urwango rwa Phil Peter kuri Scovia rwatumye Scovia ahabwa iminota mike mu kiganiro The Choice Live yari yitabiriye.

Iki kiganiro cyari kiyobowe na Clement ubwo yakiraga Scovia.

Clement yakomeje avuga ko nk’umunyamakuru uba afite byinshi byo kuvuga ntiyari guhabwa iminota yahawe ubwo Clement yamwakiraga.

Ni ibintu byabaje DC Clement dore yabishimangiye mu kiganiro yakoze ku muyoboro wa YouTube ye.