Kubwayo Mc croix
Perezida wa Rayon Sports, Twagirayezu Thaddée, yatangaje ko igikombe cya shampiyona batakireba nk’inzozi, ahubwo bamaze kukigeraho, intego ikaba ibaye kwitwara neza mu marushanwa Nyafurika. Ibi yabivugiye mu kiganiro Cafe Sports cya Televiziyo y’Igihugu, ku Cyumweru tariki ya 25 Ugushyingo 2024.
Twagirayezu yagarutse ku myaka itanu Rayon Sports yari imaze idatwara igikombe cya shampiyona, aho iheruka mu mwaka wa 2018/19 ubwo yari iyobowe na Muvunyi. Yavuze ko kuva icyo gihe bagiye basabwa “kugenda ku ruhande” ariko ubu bakaba baragarutse ku murongo. “Iyo ibintu byasubiye mu mwanya wabyo, n’igikombe kiraboneka,” yakomeje avuga ko ubu Rayon Sports iri ku mwanya wa mbere n’amanota 23, ibintu byerekana ko intsinzi iri hafi.
Yavuze kandi ko umukino utegerejwe na benshi uzabahuza na APR FC tariki ya 7 Ukuboza ari ingenzi. Yijeje abafana ko bazatsinda umukeba wabo, bityo bakongera kunyeganyeza umujyi wa Kigali. “Turi mu nzira nziza, abafana bazabibona kuri Stade,” yashoje.
Rayon Sports izongera gukina na Vision FC kuwa Gatandatu, umukino uzaba indi ntambwe mu rugendo rwo guhatanira igikombe cya shampiyona.
